ଅଚିହ୍ନା ମୃତଦେହକୁ ମିଳିଲା ମାନବିକ ସତ୍କାର: ବରଗଡ଼ ସଂକଳ୍ପ ପରିବାରର ଉଦାହରଣୀୟ ପଦକ୍ଷେପ

ବରଗଡ଼, ୨୭/୪ : ଏକ ମୃତ ଦେହ, ଯାହାର ନାହିଁ କିଛି ପରିଚୟ, ନାହିଁ ଆଶ୍ରୟ ମିଳିଥିଲା, ସେଇ ଦେହ ଗତ ୨୧ ତାରିଖରେ ବରଗଡ଼ କେନାଲର ଶୀତଳ ପାଣି ମଧ୍ୟରୁ ବରଗଡ଼ ପୋଲିସ ଦ୍ଵାରା ଉଦ୍ଧାର ହୋଇଥିଲା। ପୋଲିସ ତଦନ୍ତ ଆରମ୍ଭ କଲେ, କିନ୍ତୁ ଶନିବାର ସକାଳ ସୁଦ୍ଧା ସେଇ ଯୁବକଙ୍କ ପରିଚୟ କୌଣସି ଚିହ୍ନଟ ହୋଇପାରିଲାନି।ଏପରି ଏକ ଅଭିଜ୍ଞାତ ଅବସ୍ଥାରେ, ଯେଉଁଠାରେ ଅନେକ ଲୋକ ଦୃଷ୍ଟି ଫେରାଇ ନିଅନ୍ତି, ସେଠି ବରଗଡ଼ ସଂକଳ୍ପ ପରିବାରର ସ୍ବେଚ୍ଛାସେବୀମାନେ ଏକ ଅନନ୍ୟ ମିସାଲ ପ୍ରସ୍ତୁତ କରିଲେ। ଖବର ମିଳିଥିବା ମାତ୍ରେ ତାଙ୍କ ସବୁ କାମକାଜ ଛାଡ଼ି, ମୃତଦେହ ସତ୍କାର ପାଇଁ ତାଲମେଲ କରି ଆଗୁଆ ହେଲେ। ଶବ ସଂରକ୍ଷଣ ଗୃହରୁ ମହାପ୍ରୟାଣ ଗାଡି ସାହାଯ୍ୟରେ ସେଇ ଅଚିହ୍ନା ଦେହକୁ ବରଗଡ଼ ପିପାଳମୁଣ୍ଡା ସ୍ଥିତ ସ୍ବର୍ଗଦ୍ୱାରକୁ ନିଆଯାଇ, ଆଦର ସହ ଶେଷ ବିଦାୟ ଦିଆଯାଇଥିଲା। ଏଠାରେ ଯେମିତି ସ୍ବେଚ୍ଛାସେବୀ ଜି. ରମେଶ, ନୀଲେଶ ପଧାନ, ଚନ୍ଦନ ପଧାନ, ଶେଷଦେବ ପଧାନ, ଅନନ୍ତ ଚରଣ ପାଢ଼ୀ, ଓ ସାଶାଙ୍କ ଦୁବେ ମୃତଦେହର ସମ୍ମାନରେ ସାମିଲ ଥିଲେ, ସେଠି ମାନବିକତା ଏକ ଅନୁପମ ଚିତ୍ର ଆଙ୍କିଲା।