ମା' ସମଲେଶ୍ୱରୀଙ୍କ ମହାସ୍ନାନ ଉତ୍ସବ ପାଳନ, ବରଗଡ଼ରେ ହଜାର ହଜାର ଭକ୍ତଙ୍କ ମଧ୍ୟରେ ଦେଖା ଦେଲା ଭକ୍ତିର ଭାବନା

ବରଗଡ଼, ୧୫/୪ :  ଚୈତ୍ର ପୂର୍ଣ୍ଣିମା ଅବସରରେ ବରଗଡ଼ର ଅଧିଷ୍ଠାତ୍ରୀ ଦେବୀ ମା' ସମଲେଶ୍ଵରୀଙ୍କ ମହାସ୍ନାନ ଉତ୍ସବ ଏକ ଅତ୍ୟନ୍ତ ଧାର୍ମିକ ଓ ଭବ୍ୟ ମାହାତ୍ମ୍ୟରେ ଅନୁଷ୍ଠିତ ହୋଇଗଲା। ସକାଳୁ ୪ଟା ୫୮ ମିନିଟରୁ ଭକ୍ତମାନଙ୍କ ଦ୍ୱାରା ଆରମ୍ଭ ହୋଇଥିବା ମା'ଙ୍କ ଜଳାଭିଷେକ ଦୃଶ୍ୟ ଏକ ଅଦ୍ୱିତୀୟ ଭାବନା ଉତ୍ସର୍ଗ ରୂପେ ପରିଣତ ହେଲା। ହଜାର ହଜାର ଭକ୍ତ ହାତରେ ବାଲଟି, ଘରେ ଆଣିଥିବା ପାଣି, କ୍ଷୀର, ପଣା ଆଦି ନେଇ ଦେବୀଙ୍କ ଉପରେ ଜଳ ଢାଳି ଆଶୀର୍ବାଦ ଲାଗି ଅନୁଷ୍ଠାନରେ ସାମିଲ ହୋଇଥିଲେ। ମନ୍ଦିର ପରିସର ଓ ସଂଯୋଗ ସଡ଼କରେ ଦୃଶ୍ୟ ଥିଲା — ଶ୍ରଦ୍ଧା ଓ ଆସ୍ଥାର ଲମ୍ବାଧାଡ଼ି। ପୂଜାକ୍ରମ ଆନୁଷ୍ଠାନିକ ଭାବରେ ଶନିବାର ଭୋରୁ ଆରମ୍ଭ ହୋଇଥିଲା, ଯେଉଁଠି ଦେବୀଙ୍କ ସ୍ୱତନ୍ତ୍ର ପୂଜା, ମହାସ୍ନାନ, ଜଳାଭିଷେକ, ଆଳତୀ ଓ ପରେ ସପ୍ତଶତୀ ଚଣ୍ଡୀପାଠ, ହୋମ ଓ ପୂର୍ଣ୍ଣାହୂତି ଅନୁଷ୍ଠିତ ହୋଇଥିଲା। ପୂଜାର ନିତ୍ୟକ୍ରମରେ ପଣ୍ଡିତ ଚୂତାମଣୀ ରଥ, ବିଘ୍ନରାଜ ଦାଶ, ବିଷ୍ଣୁଦୟାଲ ଦାଶ ଆଦି ପ୍ରଧାନ ଅଂଶ ନେଇଥିଲେ। ମନ୍ଦିର ପୂଜାପାଳ ରତ୍ନାକର ଝା, କ୍ଷୀରୋଦ୍ର ଝା, କର୍ତ୍ତା ନରେନ୍ଦ୍ର ଦାଶ, ଜୟପ୍ରକାଶ ଦାଶ, ସରୋଜ ମହାପାତ୍ର, ଭରତ ଅଗ୍ରୱାଲ, ସୁଶାନ୍ତ ଦାଶ, ଭଗତ ଶର୍ମା ଆଦିଙ୍କ ଯଥାର୍ଥ ସହଯୋଗ ଦେଖାଯାଇଥିଲା।ମହାସ୍ନାନ ପରେ ମା'ଙ୍କ ଅଳ୍ତା ଜଳ ଭକ୍ତଙ୍କ ମଧ୍ୟରେ ବଣ୍ଟନ କରାଯାଇଥିଲା, ଯାହାକୁ ଶୁଭ ପାଣି ଭାବେ ଗୃହକୁ ନେଇଯାଇ ଶିଶୁମାନେ ଏହାରେ ଗାଧୋଇ ଥିଲେ। ଏହା ବର୍ଷରେ ଗୋଟିଏଥର — ଚୈତ୍ର ପୂର୍ଣ୍ଣିମା ଦିନ ମାତ୍ର ଅନୁଷ୍ଠିତ ହୁଏ, ଯାହା ଭକ୍ତଙ୍କ ପାଇଁ ଅପୂର୍ବ ସୌଭାଗ୍ୟର ସନ୍ଧି।ମନ୍ଦିର ଟ୍ରଷ୍ଟ ବୋର୍ଡ ତରଫରୁ ଯଥାଯଥ ବ୍ୟବସ୍ଥା ହୋଇଥିଲା, ଯାହା ଭକ୍ତଙ୍କ ଦୁଃଖକଷ୍ଟ ବିନା ଏକ ସୁସଂଗଠିତ ଧାର୍ମିକ ପରିବେଶ ସୃଷ୍ଟି କରିଥିଲା।ମା' ସମଲେଶ୍ଵରୀଙ୍କ ମହାସ୍ନାନ କେବଳ ଏକ ଧାର୍ମିକ ପାଳନ ନୁହେଁ, ଏହା ହେଉଛି ଜନମାନସର ଭକ୍ତି, ସଂସ୍କାର ଓ ଆସ୍ଥାର ଜୀବନ୍ତ ଉପସ୍ଥାନ।