ବିଷ୍ଣୁମୁଣ୍ଡା ହତ୍ୟାକାଣ୍ଡରେ ବିଜୁ ଗିରଫ — ବ୍ୟବସାୟୀ ଙ୍କୁ ଟାଙ୍ଗିଆ ରେ ହାଣି ହତ୍ୟା କରିଥିଲେ

ବଲାଙ୍ଗୀର, ୨୧ / ୪ : ବିଷ୍ଣୁମୁଣ୍ଡାରେ ବ୍ୟବସାୟୀ ମନୋଜ ନାଏକଙ୍କ ନିର୍ମମ ହତ୍ୟା ଘଟଣାରେ ବଲାଙ୍ଗୀର ପୋଲିସ ବଡ଼ ସଫଳତା ହାସଲ କରିଛି। ପ୍ରାୟ ନ’ଟି ଦିନ ଧରି ଫେରାର ଥିବା ଅଭିଯୁକ୍ତ ବିଜୁ ସେଠକୁ ଭୁବନେଶ୍ୱରରୁ ଗିରଫ କରି ବଲାଙ୍ଗୀରକୁ ଆଣିଛି ଟାଉନ ଥାନା ପୋଲିସ।ତଦନ୍ତ କ୍ରମେ ପୋଲିସ ଜଣାଇଛି, ମନୋଜଙ୍କ ସହ ବିଜୁଙ୍କ ପୂର୍ବ ଶତୃତା ଓ ଜମି ବିବାଦ ଥିଲା। ଏହି ଘୃଣିତ ଘଟଣା ଦିନ, ମନୋଜ ତାଙ୍କ ଘର ନିକଟସ୍ଥ ଦୋକାନ ପାଖରେ ବସିଥିବା ବେଳେ ବିଜୁ ପଛରୁ ଟାଙ୍ଗିଆରେ ହାଣି ହତ୍ୟା କରିଥିଲେ। ଘଟଣା ପରେ ସେ ଚୁପଚାପ ଭୁବନେଶ୍ୱର ଫେରାର ହୋଇଥିଲେ।ମୃତକଙ୍କ ପରିବାର ନିଜ ଅଭିଯୋଗରେ କହିଛି ଯେ ବିଜୁ ଏକ ନିଶାସକ୍ତ ବ୍ୟକ୍ତି ଥିଲେ ଓ ତାଙ୍କ ସହ ପୂର୍ବରୁ ଦ୍ବେଷ ରହିଥିଲା। ଘଟଣା ପରେ ଅଞ୍ଚଳରେ ତୀବ୍ର ପ୍ରତିକ୍ରିୟା ଦେଖାଗଲା। ବଲାଙ୍ଗୀର ପୌର ପରିଷଦ ଅଧ୍ୟକ୍ଷା ମୃତକ ପରିବାରକୁ ଭେଟି ଶୋକ ସଂଯୋଗ କରି ଅଞ୍ଚଳରେ ଅପରାଧ ବୃଦ୍ଧି ପ୍ରତି ଚିନ୍ତା ବ୍ୟକ୍ତ କରିଥିଲେ। ସେ ପୋଲିସ ପ୍ରଶାସନ ଉପରେ ଦବାବ ଦେଇ କଡା କାର୍ଯ୍ୟାନୁଷ୍ଠାନ ଦାବି କରିଥିଲେ।ଅଭିଯୁକ୍ତ ବିଜୁକୁ ଗିରଫ କରି ପୋଲିସ ବିସ୍ତୃତ ପଚାରା ଆରମ୍ଭ କରିଛି। ଘଟଣାରେ ଅନ୍ୟ କାହାର ଭୂମିକା ରହିଛି କି ନାହିଁ ବୋଲି ମଧ୍ୟ ତଦନ୍ତ ଚାଲିଛି।