ସୁଭଦ୍ରା ଟଙ୍କା ପାଇଁ ମହିଳାଙ୍କ ଅପେକ୍ଷା ଶେଷ: ଏପ୍ରିଲ ୨୪ରୁ ଆକାଉଣ୍ଟରେ ଆସିବ ଟଙ୍କା, ଉପମୁଖ୍ୟମନ୍ତ୍ରୀଙ୍କ ଘୋଷଣା

ଭୁବନେଶ୍ୱର, ୧୯ / ୪ :  ଦୀର୍ଘଦିନ ଧରି ସୁଭଦ୍ରା ଟଙ୍କା ପାଇଁ ଅପେକ୍ଷା କରୁଥିବା ହଜାର ହଜାର ମହିଳାଙ୍କ ପାଇଁ ଏକ ଖୁସିର ସୂଚନା ଆସିଛି। ରାଜ୍ୟର ଉପମୁଖ୍ୟମନ୍ତ୍ରୀ ପ୍ରଭାତୀ ପରିଡା ଏକ ବଡ଼ ଘୋଷଣା କରି ସୂଚନା ଦେଇଛନ୍ତି ଯେ, ଏପ୍ରିଲ ୨୪ରୁ ସୁଭଦ୍ରା ଯୋଜନା ଅନ୍ତର୍ଗତ ଟଙ୍କା ହିତାଧିକାରୀ ମହିଳାଙ୍କ ଆକାଉଣ୍ଟକୁ ଜମା ହେବ।ପୁରୀ ଜିଲ୍ଲାରୁ ଆରମ୍ଭ କରି ସରକାର ପଞ୍ଚାୟତିରାଜ ଦିବସର ଅବସରରେ ଏହି ରାଶି ବଣ୍ଟନ କରିବ। ଏହି ଅବସରରେ ରାଜ୍ୟ ସରକାର ପକ୍ଷରୁ ମହିଳା ସଶକ୍ତିକରଣ ଦିଗରେ ଏକ ଅନ୍ୟତମ ଗୁରୁତ୍ୱପୂର୍ଣ୍ଣ ପଦକ୍ଷେପ ରୂପେ ଦେଖାଯାଉଛି।ଉପମୁଖ୍ୟମନ୍ତ୍ରୀ ପ୍ରଭାତୀ ପରିଡା ସୁଚନା ଦେଇଛନ୍ତି ଯେ, ଯେଉଁ ମହିଳାମାନେ ମାର୍ଚ୍ଚ ୩୧ ତାରିଖ ଭିତରେ ଆବେଦନ କରିଛନ୍ତି, କେବଳ ସେମାନଙ୍କୁ ଏହି ଟଙ୍କା ମିଳିବ। ମାର୍ଚ୍ଚ ୩୧ ପରେ ଆବେଦନ କରିଥିବା ମହିଳାମାନେ ଏଥିପାଇଁ ଅଯୋଗ୍ୟ ହେବେ।ସୁଭଦ୍ରା ଯୋଜନା ରାଜ୍ୟର ଅନେକ ଗ୍ରାମୀଣ ଓ ଅର୍ଥନୈତିକ ଭାବେ ଅସଚଳିତ ମହିଳାଙ୍କ ପାଇଁ ଏକ ଆର୍ଥିକ ଆଧାର ରୂପେ ସାବିତ ହେଉଛି। ଏହି ଘୋଷଣା ପରେ ମହିଳାମାନଙ୍କ ମଧ୍ୟରେ ଅନେକ ଆଶା ଓ ଉତ୍ସାହ ସୃଷ୍ଟି ହୋଇଛି।ସରକାରଙ୍କ ଏହି ପଦକ୍ଷେପ ରାଜନୈତିକ ଦୃଷ୍ଟିରୁ ମଧ୍ୟ ଗୁରୁତ୍ୱପୂର୍ଣ୍ଣ ମନ୍ତବ୍ୟ ସୃଷ୍ଟି କରୁଛି, କାରଣ ଏହା ଗାଁର ସ୍ତରରୁ ଆରମ୍ଭ କରି ସାଧାରଣ ମହିଳାଙ୍କ ର ଦୈନନ୍ଦିନ ଜୀବନରେ ଆର୍ଥିକ ସୁବିଧା ଦେଇବାକୁ ଲକ୍ଷ୍ୟ କରିଛି।